Zurück

Chlaushöck mit Unterhaltung

Ort: Spirgarten, 8048 Zürich

Oh Samichlaus wie simmer froh

Oh Samichlaus wie simmer froh
Das Du zu Eus bisch wider cho

Mir gesnds a Diine Auge aa
Ä Du häsch es bitzeli Heiweh ghaa

Um hüt mit Dine guete Sache
Di Aktive Seniore wieder glücklich zmache

Die Aktive Seniore erläbed e Renaissansse
und dezu unternimmt de Präsident Kurt alli sini Chance

Firmebsüech, Vorträg und Schifffahrt organisiert er mit Bravour
und verschübt defür au e Mal e dringend nötigi Kur

De Vorstand isch fascht gsamterneueret im letschte Jahr
jetzt gänt’s richtig Gas, das isch klar

und was wär ein guete Verein ohni sis Sekretariat
es macht würklich hervorragendi Arbet i der Tat!

Ich han scho g’fürchtet Du seigsch am Änd
Will d’Schwizer gnueg vom Büttet händ

Nach Bern ue gfahre, um en furt z’jage
Damit e paar Fraue nümme über en müend chlage

Für Euses Bern, das weiss me genau
isch ja nu d’Doris die richtige Frau

Doch wänn mer dänn am Änd
Uf der Erde doch no Glück und Fride händ

Dänn chasch Du au mit Sack und Fitze
Zum Europaparlament nach Strassburg flitze

I de näschste zwei Jahr stönd grossi politischi Vorhabe vor der Tür
und bi nöd allne sind di Aktivi Seniore defür

ob AHV Sanierig oder EU Rahmevertrag
bald wird abgstimmt Schlag auf Schlag.

Brüssel, Bern und all die linke Stett
Es hät ja nur wenigi Aktivi Seniore dett

Und döt wos nu wenig von Eus hätt – Samichlaus gib’s nur zue,
Da hettisch viel z‘viel z’tue!

Drum Samichlaus bisch jetzt bi Eus,
und nöd bi de andre Chläus,

und wänd eus dänn wieder müesch verla
so sind mer doch sicher, dasst ä s’nächschte Jahr bisch wieder da.

KR Hans-Peter Amrein

Downloads zum Termin